ERLETXO

GAUR ERLETXOREKIN IBILI GARA LANEAN. EZ DUZUELA EZAGUTZEN? HORI EZ DUT SINESTEN, PRIMERAN PASATU BAITUGU BERAREKIN JOLASEAN.

BATEN BATI BERE SEME-ALABAK EZ DIOLA EZER KOMENTATU? BENO, BA...

ERLETXO, HORRELA IPINI DIOGU IZENA, PROGRAMATU DAITEKEEN ROBOT TXIKI BAT DA ETA HEMENDIK AURRERA BERAREKIN PROGRAMAZIOAREN HASTAPENETAN MURGILTZEN HASIKO GARA.

EMOZIOZ BETETAKO SAIOA IZAN DA. BEGIRA BESTELA UMEEN AURPEGIAK:

ZORIONEZ, TALDE BATEK LORTU DU ERLETXO BERE HELMUGARA ERAMATEA. A ZELAKO POZA!

ZIUR NAGO LAISTER DENOK LORTUKO DUGULA!


HAINBESTE GUSTATU ZAIE BATZUK ERLETXORI MARRAZKIA DEDIKATU DIOTELA:

SONIA DELAUNAY

DAKIZUEN BEZALA, SONIA DELAUNAY IZAN GENUEN TERTULIA ARTISTIKOAREN MINTZAGAI GABONETATIK BUELTATU GINENEAN. BA, INOIZ BAINO, BERANDU HOBE IZATEN DENEZ, HONA HEMEN EGINDAKO LANEN ARGAZKI BATZUK:

HORRENBESTE LAN ETA GERO, IKUSI ZELAKO ARTELAN POLITAK EGIN GENITUEN. GURE "DELAUNAY"AK:

TERTULIA EGITEN ERE OSO GUSTURA ARITU GINEN!

2. GELAKO ASANBLADA

PASA DEN OSTIRALEAN GELAKO BIGARREN ASANBLADA EGIN GENUEN (JAKINA DA, AURRETIK BILERA MIXTOA IZAN ZUTELA). ASTEBETE BERANDUAGO... ZER KONTATUKO DIZUET BA NIK, ZUEN SEME-ALABEK DAGOENEKO KONTATU EZ DIZUETENA?

TITULARRAREN FALTAN, MATIAS, ESPERIENTZIADUNEN LAGUNTZAREKIN, ONDO MOLDATU ZEN.

MINERALAK

GURE ALEXI IKARAGARRI GUSTATZEN ZAIZKIO MINERALAK ETA GURI HITZALDIA EMATEKO PROPOSAMENA LUZATU GENIONEAN, ONARTU ZUEN. PASA DEN OSTEGUNEAN MINERALEN KUTXA ETA MINERAL EZBERDINEZ BETETAKO MOTXILAREKIN ETORRI ZITZAIGUN GELARA. OSO HITZALDI POLITA EGIN ZUEN ETA MINERALEI BURUZKO GAUZA PILA BAT ERAKUTSI ZIZKIGUN.

EA NOR DEN HURRENGOA BERE ZALETASUNEN BERRI EMANEZ HITZALDIA EMATERA ANIMATZEN DENA!

BAGAUDE BERRIRO MARTXAN!

URTE BERRIARI IRRATSAIOKO PRESTAKETAREKIN EMAN GENION HASIERA: IRRATSAIOA PRESTATU, ESATARIEN BANAKETA EGIN, ESAN BEHARREKOAK PRAKTIKATU, PRAKTIKATU ETA PRAKTIKATU... ETA ZUZEN-ZUZENEAN URTARRILAREN 17AN GOIZEKO BEDERATZIRETAN GURE IRRATSAIOA ESKAINI GENIZUEN. ESPERIENTZIA ASKO GUSTATU ZITZAIGUN.

ENTZUTEKO AUKERA IZAN EZ ZENUTENOK, ORAIN DUZUE AUKERA. HORRETARAKO NAHIKOA DA ALDAMENEAN DUZUEN MIKROFONOAREN GAINEAN KLIKATZEA.

EZ AHAZTU HURRENGOAN BESTE GELAKIDE BATZUEN TXANDA IZANGO DELA!