ZELULEN ESPERIMENTUA FRUTEKIN

                                           ZELULEN ESPERIMENTUA

 Oporretara joan baino egun bat lehenago LHko 6A eta 6B gelak  goiz osoa esperimentuak egiten pasa genuen, goizeko 9:00etatik 11:00etara. LH 6C eta 6D gelakoek ere egin zituzten esperimentuak, baina beste egun batean, Martxoak 8an hain zuzen ere.  

Sormen gela B-n egin genituen esperimentuak eta esperimentu honetan fruten DNA ikertu genuen.

Sormen gelara iritsi ginenean zer egingo genuen azaldu ziguten, ondoren, DNA-ari buruzko galdera batzuk eman zizkiguten taldetan erantzuteko. Bost minutu eman zizkiguten galdereei erantzuteko. 

Behin galderei erantzunda, denen artean irakurri genituen, eta denen artean erantzun genituen. Galdereena bukatu ostean, beste orri bat eman ziguten bakoitzari prosezua azaltzeko. Lauko taldetan jarri ginen eta bakoitzak zein urrats egingo zuen adostu genuen. 

Behin hori eginda esperimentuarekin hasi ginen.

Dena adostuta genuenean, frutak banatu zizkiguten eta orriaren prosezua kopiatu genuen:

Lehenik, fruta garbitu eta azala kendu genion.

Ondoren, pote batean xaboia (Fairi), ura eta gatza nahastu genituen.

Hori eta gero, nahasketa eta fruta poltsa batean sartu genituen.

Jarraian, fruta txikitu eta iragazi genuen, beste edalontzi batera botaz.

Amaitzeko, ozpina bota genuen eta esperimentuaren emaitza lortu genuen; frutaren DNA

 ateratzea!!!! 👌

KORRIKA

 23. KORRIKA

Ostiralean, martxoak 15, korrika txikia egin genuen, 6. mailako Jokin, Samir, Adur eta Anne joan ziren lekukoarekin eta horrela jarraitu zuen korrikak bukatu arte. 

Gaur, 2024ko martxoaren 19an,  DBH-koak  etorri dira 10:35etan. Abestu egin dugu eta leloak irakurri ere. Musika polit bat sortu edo abestu digute DBH2-koek, gitarra, kaja pianoa...ekin jo digute. Bi neskek abestu dute. Azkenekoz, argazkia atera dugu denok batera kartelak erakutsiz. Ekintza honetan 6. mailako Nahia eta Kora izan dira lekukoa hartu dutenak. 

Bestalde egun bakoitzean KORRIKAren inguruko galdera batzuk eman dizkigute betetzeko. Egunero galdera bat ateratzen da eta guk erantzun egin behar dugu bakoitzak bere papertxoan. 5 Galdera ditu.

1- Nondik nora da Korrika?

2- Noiz pasatzen da Korrika Zarauztik?

3- Zenbat irauten du Korrikak?

4- Zein da Korrikaren aurtengo leloa?

5- Zer darama barruan lekukoak?

Korrika gaur gauerdian pasa da Zarautztik eta 6. mailako ikasle batzuk atera dira bertan! Tamalez, argazkirik ez dugu hori ikustarazteko.

 ERASOARI STOP

Egun hauetan LH6ko ikasleok "eraso" matxistei buruzko hausnarketa bat egin dugu, gehienak neskak dira eraso hauek jasaten dituztenak; bere gorputz eta fisikoarekin sartzen da jendea.

Ezin dugu hori onartu, jada handiak gara eta zarete, badakigu eta badakizue zer egin eta zer ez.

Ez dugu nahi berriro horrelakorik gertatzea bakoitzak bere gorputza onartzen nahiko lan daukagu besteek zerbait esateko!!

Azken tutoretzetan honetaz hitz egin dugu eta denak ados gaude ezin dela onartu hori entzutea eta gutxiago pairatzea.

Datorren astean SEXU-HEZIKETA jasoko dugu profesionalen eskutik eta gurasoek ere hitzaldi bat dute bertan landuko duguna azaltzeko. 

EUREKA Museoa.

 Goizeko 9:00etan denak tren geltokian geratu ginen, denak hor geundela eta trena iritsitakoan, Donostiarantz joan ginen Amarako tren geltokira. Gero autobusa hartu eta Eureka museora joan ginen. Lehendabizi Eurekako Planetariumera joan ginen.

 Oso ikusgarria izan zen, gauza asko erakutsi zizkiguten eta gauza bitxi asko zeuden. Planetariuma ikusi eta gero 5 minutuko hamaiketakoa egin genuen. Hamaiketakoa bukatu eta gero bisita gidatua eduki genuen, Kimikako gauza batzuk ikasi genituen. Hori dena eta gero, bisita librea eduki genuen eta oso dibertigarria izan zen.

Bukatzeko,  ondoko parkera joan ginen portxetan bazkaldu ondoren. Euria egiten hasi zen eta autobusa hartu eta trenerantz joan ginen. 30 minutu Zarautzera etortzeko behar izan genituen.

Hori izan zen dena eta oso ondo pasa genuen!!

 ARROPA BILKETA

Gai hau 2030ko  agendatik etorri zaigu. 6. mailako geletan baloreak ikasgaian  arropari buruzko gaia atera zen eta erabaki genuen esekitokietan ezin zela hainbeste arropa pilatu. Horregatik, zerbait egitea pentsatu genuen: Gela bakoitzak erabaki bat hartu zuen: 

- A gelak familiak sentsibilitzatzeko ideia eduki zuten. 

- B gelak asteartero behera jaistea eta esekitokietan dagoen arropa geletatik pasa ea norbaitena den galdetzera. 

- C gelak bideo bat egitea.  

- D gelak azoka bat egitea pentsatu zuten. 

Hemen daude argazki batzuk. Informazioa laster iritsiko zaizue bide desberdinetatik.

INAUTERIAK

 

Inauteriak Orokieta

Aurtengo inauterietako gaia, "Zirkoa" izan da. Inauterietako aste bat  lehenago, gela bakoitzeko bi ikasle aukeratu genituen dantza ikasteko. Patioko orduan ikasten zuten eta ikasitakoan gelakide guztiei erakusten zien dantza. Hurrengo astean, patioa ondoren entseiluak egiten genituen.

Ostiralean, eskolara mozorroak jantsita etorri eta gelan itxaron genuen 09:45h arte, Joku librea egin genuen eta euskaraz musika jarri genuen, batzuk marrazten ere egon ziren eta beste batzuk UNO jokoarekin basteak dantza egiten, etab. 

09:45 etan HHra joan ginen. Eskolako txikiek oso ongi dantzatu zuten eta gero, Koxme balearen atzetik, geletara itzuli ginen gure emanaldia hasi arte. Hau, 11:15ean hasi zen, lehenengo 2. zikloko mimoak; ondoren, 1. zikloko pailazoak eta azkenik gu.

Ikuskizuna bukatzean, diskofesta izan genuen eta indarra berreskuratzeko txokolate bero eta goxoa.

AROTZ-ENEA

 AROTZ-ENEA

Otsailaren 14tik 16ra Nafarroako Etxarri-Larraunen dagoen Arotz-Enea aterpetxera joan ginen. Ia 6. maila osoa joan ginen. Bat Pakistanen zegoen, beste bi Marruekosen surfeko txapelketa batean eta beste bi, tamalez, gaixorik zeuden eta ezin izan zuten joan. 

Lau geletan banatu ginen lo egiteko; 26ko eta 18ko bat mutilentzat eta 22 eta 18ko beste bi neskentzat. 

Ekintza ugari egin genituen bertan: buztina, ukenduak, kobazulora eta ur-jauzira ibilaldiak, disko-festa, got talent ikusgarria etab...

Baina aterpetxean ere gauza ugari zeuden jolasteko: futbolina, ping-pongeko mahaia, frontoia, saskibaloi zelaia, belardia futbolean edo errutbian jolasteko, kulunpioak e.a.

Bertako janaria ere asko gustatu zitzaigun. 

Lo gutxi egin genuen baina primeran pasa genuen. Hemen argazki batzuk jarri uzten dizkizuegu.