OTSAILAK 2
Ba al zenekiten otsailak 2a HEZEGUNEEN MUNDUKO EGUNA dela? Ba guk jakin genuenean gure urmaelera joateko aukera ez genuen galdu eta bide batez bertako ura aztertzeko aprobetxatu genuen. Hona hemen argazki batzuk.
Gero, sormengelabeko mikroskopioan begira aritu gara ea karramarroak ere topatzen ditugun. Oraingoz ez dugula aurkitu bain ez dugu etsiko.
BOTERO
Igor Stranvinskirekin Tertulia musikala egin genuen bezala, 2023ko hasieran honetan Tertulia artistikoa egin dugu. Zeinena? Boterorena.
Boteroren biografia ikasi dugu: Colonbian jaioa, Medellinin hain zuzen ere, 1932an. Bizirik dago eta lanean oraindik gainera. Gaztetatik hasi zen lanean eta berak dioen bezala, beti ikasteko grina horrekin, nahiz eta 90 urteak beteta dituen.
Picasso, Gauguin eta artista askoren ikertzailea izanik, bolumena izan zen bera bereizten duen ezaugarria: boterismoa. Baina margolaria izateaz gain, eskulturak ere egin zituen eta horiek izan dira guk landu ditugunak. Astean zehar gela bakoitzak eskultura bat gauzatu du: katua, zaldia, eskua eta txoria.
2022ko ZIENTZIA ASTEA
Urtero bezala, Zientzia astea ospatu dugu eskolako guztiok abenduaren erdialdera. Aurten Azterkostakoek eskainita, itsasoko ura aztertu dugu. Beraiek bidali digute materiala NITRATOAK, FOSFATOAK, pH-a, OXIGENOAREN SATURAZIOA, OXIGENOAREN DISOLBAGARRITASUNA, TENPERATURA eta UHERTASUNA aztertzeko.
Metodo zientifikoa aplikatu dugu: behatu, hipotesiak bota, aztertu, ondorioak atera... Aste berezia izan da.
Urtero bezala ere, ERAKUSKETA antolatu dugu beste mailakoek eta gurasoek gure esperimentuez ere goza dezaten. Guk gainera eskolako URMAELA zuzenean aztertu dugu.
Hurrengorarte!
FLYSCHA
Abenduak 1ean Flyscha ikustera joan ginen. Ez dakizuela zer den flyscha?
Ba orain azalduko dizuet. Flyscha arroka sedimentario sekuentzia bat da. Sedimentario hitzak esan nahi du urak eta haizeak sortutakoa dela. Geruza gogorrak eta bigunak tartekatzen dira eta tolestura geologikoa direla-eta geruzok bertikalak dira.
Flych hitza Bernhard Stunder suitzar geologoak erabili zuen lehen aldiz 1827an Alpeetako hareharri eta arbel geruza sekuentzia izendatzeko. Hitza Alemanezko Fliessen hitzetik dator (isuri), ibaien isuriak sortzen zituela uste baitzuten.
Euskal kostaldean sarritan ageri da flysch egitura, baina Gipuzkoako Deba eta Zumaian artean da ikusgarriena.
Laburpentxo bat egin ondoren, esango dizuet ere Flyscha ikusteaz gain oso ondo pasa genuela hango parke batean.
PLAIAUNDI
LH 5eko A eta D gelak azaroaren 17an eta LH 5eko B eta C gelakoak azaroaren 18an, Plaiandira joan gara. Dakizuen bezala trenez joan gara eta Plaiaundi Irunen dago .
Iritsi ginenean Ekoetxera hamaiketakoa jan genuan eta ondoren talde bat ibilaldia egitera joan ginen eta besteak Ekoetxera sartu ziren.
Ibilaldiaren helburua hegaztiak ikustea zen; beraiek katalejuak eman zizkiguten ondo ikusteko hegaztiak: Kopeta zuria, Martin arrantzalea, antzarra eta ahateak izan ziren ikusi genituan hegazti batzuk.
Ondoren, Ekoetxera bueltatu ginen eta alderantzizkoa egin genuen. Lehenengo maketa bat azaldu zigun. Gero, bideo bat ikusi genuen eta ondoren esplikatu zigun zertarako zaindu behar ditugun animaliak eta zein animalia zegoen urazpian edo gainazalean. Jarraian, erakutsi zigun ze eremu dagoen babestuta.
Bukatzeko, Plazara joan ginen bi gelak eta han bazkaldu egin genuen eta ondoren trenera joan ginen eta Zarautzera itzuli ginen.
IGOR STRAVINSKI
Aste honetan tertulia musikala eduki dugu eta IGOR STRAVINSKIren biografiari buruz hitz egin genuen. Suzko txoriaren ipuina ere entzun genuen eta ondoren txoriaren marrazkiak ere egin genituen. Hauek, ipuinean bezala, urrezko kaiola batean sartu genituen; bitan hobeto esanda, txori asko egin baikenituen.
IÑURRITZAKO BIOTOPOA
