2. GELAKO ASANBLADA

PASA DEN OSTIRALEAN GELAKO BIGARREN ASANBLADA EGIN GENUEN (JAKINA DA, AURRETIK BILERA MIXTOA IZAN ZUTELA). ASTEBETE BERANDUAGO... ZER KONTATUKO DIZUET BA NIK, ZUEN SEME-ALABEK DAGOENEKO KONTATU EZ DIZUETENA?

TITULARRAREN FALTAN, MATIAS, ESPERIENTZIADUNEN LAGUNTZAREKIN, ONDO MOLDATU ZEN.

MINERALAK

GURE ALEXI IKARAGARRI GUSTATZEN ZAIZKIO MINERALAK ETA GURI HITZALDIA EMATEKO PROPOSAMENA LUZATU GENIONEAN, ONARTU ZUEN. PASA DEN OSTEGUNEAN MINERALEN KUTXA ETA MINERAL EZBERDINEZ BETETAKO MOTXILAREKIN ETORRI ZITZAIGUN GELARA. OSO HITZALDI POLITA EGIN ZUEN ETA MINERALEI BURUZKO GAUZA PILA BAT ERAKUTSI ZIZKIGUN.

EA NOR DEN HURRENGOA BERE ZALETASUNEN BERRI EMANEZ HITZALDIA EMATERA ANIMATZEN DENA!

BAGAUDE BERRIRO MARTXAN!

URTE BERRIARI IRRATSAIOKO PRESTAKETAREKIN EMAN GENION HASIERA: IRRATSAIOA PRESTATU, ESATARIEN BANAKETA EGIN, ESAN BEHARREKOAK PRAKTIKATU, PRAKTIKATU ETA PRAKTIKATU... ETA ZUZEN-ZUZENEAN URTARRILAREN 17AN GOIZEKO BEDERATZIRETAN GURE IRRATSAIOA ESKAINI GENIZUEN. ESPERIENTZIA ASKO GUSTATU ZITZAIGUN.

ENTZUTEKO AUKERA IZAN EZ ZENUTENOK, ORAIN DUZUE AUKERA. HORRETARAKO NAHIKOA DA ALDAMENEAN DUZUEN MIKROFONOAREN GAINEAN KLIKATZEA.

EZ AHAZTU HURRENGOAN BESTE GELAKIDE BATZUEN TXANDA IZANGO DELA!

ESKOLA PROIEKTUA

ESTU ETA LARRI IBILI GARA PROIEKTUARI BUKAERA EMATEKO BAINA, AZKENEAN, LORTU DUGU. URTARRILETIK AURRERA LANEN LIBURUXKA IBILIKO DA ETXEZ-ETXE. BITARTEAN, HONA HEMEN EGINDAKO LANAREN LABURPENA.

LAISTER ARTE LEIRE

LEIREK BUKATU DU BERE PRAKTIKALDIA ETA LAISTER ARTE ESATEKO ORDUA IRITSI DA. PRIMERAN PASATU DUGU BERAREKIN LANEAN ETA JOLASEAN. AGURTZEKO FESTATXO BAT ANTOLATU DIOGU.

ESKERRIK ASKO, ZORTE ON IKASKETETAN ETA NAHI DUZUN ARTE.

ZAINDU EZAZU ZURE MASKOTA

GAUR, 5. MAILAKO IKASLE BATZUK HAMSTERREI BURUZ HITZ EGITERA ETORRI ZAIZKIGU. INFORMAZIO ABERATSA EMAN DIGUTE ANIMALIA TXIKI HAUEI BURUZ. PRESTATU DIGUTEN AURKEZPENA ASKO GUSTATU ZAIGU ETA MARGOTZEKO UTZI DIGUTEN MARRAZKIA ARE ETA GEHIAGO. HALA ERE, EZ DEZAGUN AHAZTU JAKINARAZI NAHI IZAN DIGUTENA:

MASKOTA EDUKITZEKOTAN, ZAINTZEKO DELA, ALEGIA. 

ESKOLA PROIEKTUA

Hemen gure gelakoek ESKOLA proiektuaren inguruan egindako lanak! Lan asko egin dugu, eta ikasi ere bai!